Dåp i Norkyrkja

Dåp er ei fantastisk og nådefull hending både for oss i kyrkja og dykk som familie. 

Vi tilbyr dåp og ønskjer både born og vaksne hjarteleg velkomne til dette.

Som foreldre er de varmt velkomne til å la barnet dykkar bli døypt hos oss. Samtidig er dette ope for alle som ønskjer det, også for deg som kjem til tru i vaksen alder.

Dåp skjer i regelen i våre ordinære gudstenester, der vi får feire saman med fellesskapet. Samstundes er vi fleksible, og kan leggje til rette for eigne dåpsgudstenester dersom det er særskilde behov for det.

Dersom du ønskjer dåp, eller har spørsmål knytt til dåp,  ta gjerne kontakt med pastor Vegard Tennebø.